ILOILO CITY- Dakop pinaagi sa warrant of arrest ang most wanted person nga pangayaw sa San Dionisio, Iloilo kag may kaso nga arson.
Ang arestado amo si Roberto Eraga, 38 anyos ang edad, tumandok sang Brgy. Ligaya, Sablayan, Occidental Mindoro.
Sa interview sang Bombo Radyo kay Pol.Capt Felix Alianza,hepe sang Batad Municipal Police Station, iya ginpahayag nga nalagyo gikan sa Mindoro kag nagpadulong sa Iloilo si Eraga.
Suno kay Alianza ,namonitor sang otoridad si Eraga sa Sobrevega, San Dionisio, Iloilo kag gilayon nga gin-operate sang Batad Municipal Police Station kag 2nd Iloilo Mobile Force Company nga nagresulta sa iya pagkaaresto.
Wala sang bailbond sa kaso ni Eraga kag natalana nga iturn-over sa Sablayan, Occidental Mindoro.
