ILOILO CITY – Ginkumpirma ni Iloilo City Councilor Frances Grace Parcon nga nagpositibo sa Coronavirus Disease 2019 (COVID-19) ang duha niya ka mga staff.
Sa Facebook post ni Parcon, nakasaad nga lubos niya nga ginakasubo nga nalatnan sang COVID-19 ang duha ka mga staff nga sa subong, nagapabilin nga asymptomatic kag naka-facility quarantine.
Kadungan sini, ginkumpirma man ni Parcon nga negatibo ang resulta sang iya Reverse Transcription Polymerase Chain Reaction (RT-PCR) test matapos ang 14-day quarantine.
Nagahingyo sang kooperasyon kag pagpangamuyo ang natungdan.
Nahibalu-an nga sang damlag lang, may isa ka staff ang Konsehal nga una nga nagpositibo sa COVID-19.
