ILOILO CITY – Nagapati si Iloilo City Mayor Jerry Treñas nga masarangan ni anay National Bureau of Investigation Director Dante Gierran nga pamunu-an ang Philippine Health Insurance Corporation.
Sa interview sang Bombo Radyo kay Treñas, iya ginpahayag nga nagserbe sa National Bureau of Investigation si Gierran sa malawig nga tion rason nga masarangan man niya nga pamunu-an ang PhilHealth nga gina-ulan subong sang kontrobersiya.
Nahibalu-an nga ginbuslan ni Gierran si Ret. Brigadier General Ricardo Morales nga nag-resign sa pwesto matapos naulamid sa kurapsyon.
