ILOILO CITY – Gin-athag sang Department of Health nga indi makapagusto ang mga Returning Overseas Filipinos apisar nga wala na sang mandatory quarantine kag COVID-19 test nga patigayunon sa pagpauli sa ila tagsa ka mga lugar.
Sa interview sang Bombo Radyo kay Department of Health Region 6 Assistant Director Ma. Julia Villanueva, iya ginpahayag nga ang Returning Overseas Filipinos nga magapauli ang pagasugaton sang tagsa ka Local Government Unit halin sa airport padulong sa ila tagsa ka puluy-an.
Suno kay Villanueva, pagkatapos nga makapauli, regular ang monitoring sang Barangay Health Emergency Response Team agud masigurado nga wala sang sintomas sang COVID-19 ang mga bag-o lang nagpauli.
Sa pagpaathag ni Villanueva, sa Metro Manila pa lang, nakatapos na sa 14-day mandatory quarantine kag ang mga ginapahanugutan lang nga makapauli nga Returning Overseas Filipinos ang may yara sang maayo nga health condition kag may certification nga negatibo sa COVID-19.
