ANTIQUE – Indi pa sa gihapon matumod sang San Jose De Buenavista Municipal Police Station sa probinsya sang Antique ang suspek nga nagluthang patay sa assistant technician sang Grahar Emission Testing Center.
Ang biktima amo si Tito Yap Jr., 34 anyos kag residente sang Poblacion, Culasi, Antique.
Sa interview sang Bombo Radyo kay PMaj. Benjo Clarite, hepe sang San Jose De Buenavista Municipal Police Station, iya ginpahayag nga ginsulod mismo sang suspek ang Emission Center kag ginluthang sang makapila ka beses ang biktima.
Suno kay Clarite, may yara sang upod ang suspek nga amo ang driver sang motorisiklo nga ginasakyan niya.
Ang mga suspek ang nakasuksok sang helmet, facemask kag jacket base man sa mga nakakita sang krimen.
Dugang pa sang hepe, sa ila pagpangusisa nakakuha sang 2018 sang plea bargaining ang biktima matapos ma-angot sa iligal nga droga.
