ILOILO CITY – Magasapol buwas nga adlaw, Setyembre 4, ang Regional Task Force on COVID-19 kag ang Regional Inter-agency Task Force may kaangtanan sa advisory tuhoy sa repatriation sang Returning Overseas Filipinos.
Ini ang may kaangtanan sa pagpamalabag sang mga alkalde tuhoy sa panibag-o nga pagsulundan nga indi na mandatory ang 14-day quarantine kag ang pagpaidalom sa COVID-19 sang mga Returning Overseas Filipinos sa tion nga mag-abot na sa ila tagsa ka mga lugar.
Sa interview sang Bombo Radyo kay Ma. Aletha Nogra, pinuno sang Office of Civil Defense-Western Visayas Disaster Risk Reduction Management Division kag spokesperson sang Regional Task Force on COVID-19, iya ginpahayag nga magasapol ang duha ka task forces buwas nga adlaw agud nga istoryahan ang tuhoy sa nasambit nga advisory.
Suno kay Nogra, kutub lamang sa Regional Level ang magatambong sa pagsinapol kag ang mga Regional Task Force Chair amo naman ang magapatawag sang pagsinapol kaupod ang mga Local Chief Executive.
Ginpahayag ni Nogra nga National Task Force ang nagaserbe nga implementing body sang Inter-Agency Task Force.
