Gin-anunsyar sang British government nga may yara sila sang gina-trabaho subong nga coronavirus test nga makahatag sang resulta sa sulod lang sang 20 minutos.
Suno kay Health Secretary Matt Hancock, ang gobyerno ang nagatinguha nga mapasangkad pa ang trials sang duha ka mga bag-o nga rapid tests kaangay sang no-swab saliva test kag isa nga nagahatag sang resulta sa sulod sang minutos lamang.
Gina-examine man sang Britain ang feasibility sang repeat testing sang mga tawo nga wala sang sintomas agud nga ma hagan-hagan ang kinahanglan nga social distancing measures.
Maga-gasto ang gobyerno sang £500 million pound sterling ukon P32 billion sa efforts agud nga malab-ot ang mass population testing nga ginatawag “Operation Moonshot”.
Nahibaluan nga sang Marso, napaslawan ang Britain nga magpatigayon sang mass testing capacity sa diin nag-umpisa ang outbreak sang virus.
