MANILA – Nagapangayo sang dugang nga data ang Department of Science and Technology (DOST) tuhoy sa effectivity sang COVID-19 vaccine sang Russia nga Sputnik V.
Ini matapos nga ginpahayag sang Russian researchers nga safe, well tolerated kag wala sang serious adverse events sa healthy adult volunteers ang nasambit nga bakuna.
Apisar sini, ginpahayag ni DOST Undersecretary Jaime Montoya nga luyag niya mahibalu-an ang specifics sang test results agud pamatud-an nga indi “general statements” ang ginapalayag sang Russia sa publiko.
Suno kay Montoya, nagakadapat nga mangin long-lasting ang antibodies gikan sa bakuna antes ini aprobahan bilang COVID-19 vaccine.
Nauna na nga ginpahayag ni President Vladimir Putin sang Agosto nga ang bakuna ang nakahatag sang “sustainable immunity” sa isa sa iya mga anak nga babayi apisar nga wala pa natapos ang clinical trials.
May kaangtanan diri, ginpanugyanan sang World Health Organization ang Russia nga sundon ang established guidelines may kaangtanan sa pag-develop sang safe vaccine.
