SRI LANKA – Tatlo ka powerful tug boats ang gingamit sa pagguyod sang nasunog nga oil tanker agud nga madala ini sa mas madalom nga bahin sang dagat nga sakop sang Sri Lanka.
Ang Panamanian-registered New Diamond nga may karga nga 270,000 tonnes sang crude oil ang ginguyod sa kalayuon nga 75km gikan sa eastern shores sang nasambit nga pungsod.
Suno sa Indian Coast Guard kag Sri Lankan Navy, wala na sang reported nga oil slick gikan sa nasambit nga vessel.
May kaangtanan diri, nagpasalamat si Sri Lankan President Gotabaya Rajapaksa sa Indian kag Sri Lankan forces sa ila nangin kontribusyon sa marine biodiversity conservation paagi sa gilayon nga pagpalong sang kalayo kag patapna sang oil spill.
Nahibalu-an nga ang sunog ang kasunod sang engine room explosion kun sa diin napatay ang isa ka Filipino crewman samtang yara sa Sri Lanka ang vessel kag nagapadulong na sa Indian port of Paradip.
