HAWAII – Natalana nga magabalik sa Pilipinas ang Naval Task Group 80.5 matapos ang pagpakigbahin sa Rim of the Pacific Exercise (RIMPAC) sa Hawaii.
Ang BRP Jose Rizal (FF150) ang nakabiya na sa Bravo 3, Joint Base Pearl Harbor sa Hickam, Hawaii kaupod ang USS Chung-Hoon (DDG 93) kag Royal Navy Brunei Navy KDB Darulehsan (OPV 07) agud magpakigbahin sa Post-RIMPAC Exercise 2020 sa Oahu Island, Hawaii.
Ang Post-RIMPAC Exercise 2020 ang nagalakip sang minimal series of exercises para sa quality training kag interoperability sa tunga sang Pilipinas, Estados Unidos kag Brunei.
Kadungan sini, ang BRP Jose Rizal ang magapatigayon sang refuel kag reprovision sa Guam.
Ang contingent ang natalana nga magdungka sa Subic Bay, Zambales sa Setyembre 21.
Nahibalu-an nga ang Rim of the Pacific Exercise (RIMPAC) 2020 ang nag-umpisa sang Agosto 17 kag nagtapos sa Agosto 31.
