MANILA – Ginmandu-an sang Joint Task Force COVID Shield sa tanan police commanders nga gamiton sa monitoring ang social media may kaangtanan sa paghibalo sang quarantine protocol violations.
Lakip diri amo ang drinking sessions kag iban pa nga sahi sang selebrasyon apisar nga ginadumili-an ukon ginalimitahan ang pagpatigayon sang mass gatherings.
Suno kay Police Lt. Gen. Guillermo Eleazar, Commander sang Joint Task Force COVID Shield, daku ang mabulig sang social media sa pagtumod sang mga dungol nga padayon nga nagalapas sa quarantine protocols.
Ang mga laragway ukon videos nga gina post online suno kay Eleazar ang mahimo nga gamiton nga ebidensya batok sa mga violators, sibilyan man ukon police officer.
Nagpaandam man si Eleazar nga may yara sang dugang nga charges nga mahimo ihatag sa mga madakpan nga nagapatigayon sang drinking session ilabi na sa mga lugar nga may yara sang liquor ban.
Nauna na nga ginpromisa ni PNP Chief Lt. Gen. Camilo Cascolan nga pagahatagan sang utmost disciplinary action ang pulis nga madakpan nga nagalapas sa protocol.
