MANILA – Nakaguwa na sa Philippine Area of Responsibility si Bagyo Kristine.
Suno sa Philippine Atmospheric, Geophysical and Astronomical Services Administration (PAGASA), napabilin sang Bagyo ang maximum sustained winds nga nagalab-ot sa 185 kilometers per hour (kph) kag pagmadlos nga 230 kph.
Pinaka-ulihi nga nasiplatan ang bagyo sa kalayuon nga 1,080 kilometers Naaminhan-Nasidlangan sang extreme northern Luzon.
Si Kristine, ang ika-11 nga tropical cyclone nga nagsulod sa Philippine Area of Responsibility kag nagapadulong na sa direksyon sang Ryukyu Islands sa Japan kag Korean Peninsula.
Apisar nga wala sang direkta nga epekto sa weather condition sa pungsod, nagpaandam ang weather agency tuhoy sa paglayag sa eastern seaboards sang Luzon kag Visayas bangud sa tuman ka baskog nga balod.
