Ginhaboy sang mga protesters ang mga pulis sang bato kag bomba sa Portland sa Estados Unidos sa diin 50 ang gin-aresto kadungan sang ika-100 nga adlaw sa pagpatigayon sang hublag protesta batuk sa racism kag police brutality.
Suno sa isa ka pulis, may yara sila sang kaupod nga isa ka sergeant ang nalukpan sang bomba kag na-igo gid ang kamot.
Dugang pa niya, naggamit man ang kapulisan sang tear gas agud nga matapna ang pagtililipon sang mga protesters nga ginabanta yara sa 400.
Nahibaluan nga kada gab-i na lang sa Portland may yara sang ginapatigayon nga hublag protesta sa sulod na sang masobra tatlo ka bulan.
Samtang sa bahin sang Luiseville, ang mga armed police supporters kag anti-racism demonstrators ang nagginamo man sang damlag lang sa diin naggamit man ang mga pulis sang tear gas.
Nag-umpisa ang hublag protesta kasunod sang kamatayon sang Black-American nga si George Floyd sa kamot sang isa ka pulis.
