Ginkumpirma sang pamilya sang vlogger nga si Lloyd Cadena nga nagpositibo ini sa COVID-19.
Pinaagi sa facebook post, ginpahayag sang pamilya nga gin-test para sa COVID-19 ang vlogger sang Setyembre 3 kag sa kaangay nga adlaw nagguwa nga positibo ini sa virus.
Setyembre 4, alas-5 sang aga sang nakit-an na lang si Lloyd sang staff nga wala na naga-responde kag nagapalanglapsi.
Mahimo suno sa doktor nga gin-atake sa tagipusuon si Lloyd samtang nagakatulog.
Sa subong, na cremate na ang bangkay sang vlogger kag ang abo sini ang yara sa ila nga balay sa Cavite.
Nagapasalamat man ang pamilya sa pagpakig-unong kag bulig nga ila nabaton gikan sa mga tawo nga napalipay ni Lloyd.
