MANILA – Ginpanindugan ni Presidente Rodrigo Duterte nga wala siya sang may ginaapinan sa tunga nanday US Marine Lance Corporal Joseph Scott Pemberton kag sang biktima nga Filipina transgender nga si Jennifer Laude.

Ini ang ginpahayag ni Duterte kasunod sang paghatag niya sang absolute pardon kay Pemberton nga ginpamatbatan nga guilty sa kaso nga homicide bangud sa pagpatay kay Laude sang 2014.

Sa public address, ginpahayag ni Duterte nga nangin patas siya sa pagdesisyon may kaangtanan sa nasambit nga krimen.

Sa pagkamatuod suno kay Duterte, makabig nga unfair ang pagtratar kay Pemberton sa presuhan bangud nga wala gina-monitor sang maayo sang Philippine authorities ang good conduct time credits para sa US Marine.

Kadungan sini, ginpahayag sang Presidente nga wala na sang may makawestyon sa iya Executive Power.

President Rodrigo Duterte