MANILA – Gindeklarar ni Presidente Rodrigo Duterte nga nangin epektibo ang COVID-19 response sang gobyerno batok sa COVID-19 bangud sa pagnubo sang na record nga daily infection.

Sa public address, ginpahayag ni Duterte nga isa sa daku nga factor kun nga-a nagnubo ang daily infection amo ang pagsunod sang publiko sa ginapatuman nga minimum health protocol kag sa ginapatuman nga lockdown.

Gindayaw man ni Duterte ang pagpanikasog sang tagsa ka Local Government Unit may kaangtanan sa pagpatuman sang anti-virus measures.

President Rodrigo Duterte

Suno naman kay Department of National Defense Sec. Delfin Lorenzana, isa ka maayo nga development ang pagnubo sang na record nga COVID-19 cases.

Kun sadto suno kay Lorenzana, nagalab-ot sa 10,000 ang na record sa sulod sang isa ka adlaw apang sa subong, yara na lang ini sa 2,000.

May kaangtanan diri, ginpahayag ni Lorenzana nga nagalibot ang mga opisyal sang Inter-Agency Task Force sa mga lugar nga may yara sang mataas nga COVID-19 cases agud hibaluon kun ano pa ang dapat nga mabulig sang national government.

Department of National Defense Sec. Delfin Lorenzana

Samtang, ginplastar naman ni Department of Health Secretary Francisco Duque III ang data tuhoy sa COVID-19 cases sa National Capital Region.

Santo sa presentation ni Duque, amat-amat nga naganubo ang infection rate ilabi na sa Metro Manila kun sa diin nakabulig sang daku ang pagpatuman sang Modified Enhanced Comunity Quarantine sang nakaligad nga bulan.

Department of Health Secretary Francisco Duque III