MANILA – Gin-aprobahan ni Presidente Rodrigo Duterte ang pagpaidalom sa Bacolod City sa Modified Enhanced Community Quarantine.
Sa public address, ginduso ni National Task Force on COVID-19 chief implementer Carlito Galvez Jr. kay Duterte nga ipaidalom sa mas istrikto nga community quarantine ang Bacolod City bangud sa mataas nga COVID-19 cases.
Santo sa Inter-Agency Task Force Resolution No. 69, ang panibag-o nga community quarantine classification sa nasambit nga lugar ang mangin epektibo umpisa Setyembre 8 tubtub Setyembre 30, 2020.
Magluwas sa Bacolod City, ipaidalom man sa Modified Enhanced Community Quarantine ang Lanao Del Sur kag Iligan City samtang ipaidalom naman sa General Community Quarantine ang Metro Manila, Bulacan, Batangas kag Tacloban City.
Ang nabilin nga bahin sang pungsod ang magapabilin sa Modified General Community Quarantine.
