ILOILO CITY- Desidido ang 16- anyos nga solterito nga ginaalegar biktima sang gang rape nga masilutan ang mga tawo nga responsable sa paghimulos sa iya.
Sa interview sang Bombo Radyo sa biktima nga si alyas Tonton sang Calumpang, Molo, IIoilo City, iya ginhingadlan ang mga suspek nga amo gid ang nagtandog sa iya base sa iya pagkadumdom sa natabo.
Suno kay Tonton, sa mga pangalan nga naulamid sa kaso, sanday alyas Edzie, alyas Xandrix, kag alyas Johnrey ang iya gintudlo nga amo gid ang naghimulos sa iya.
Pahayag pa ni Tonton, si Edzie ang naga-blackmail sa iya sa tion nga manugid ini tuhoy sa natabo.
Gintawag naman niya si Johnrey nga traidor nga suno sa iya amo ang nagbutang sang bulong sa iya ilimnon rason nga naglain ang iya pamatyag antes ang ginaalegar pag-gang rape.
Samtang ang iban naman nga pangalan nga iya ginmitlang nga involved sa kaso amo ang mga abyan ni alyas Johnrey.
