ILOILO CITY – Nagsaka sa 6,382 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 229 ang nagdugang sa listahan.
As of September 8, 230 gikan sa 3,723 ka laboratory results ang nagpositibo apang isa diri ang nagpositibo sa repeat test.
Sa 229 ka panibag-o nga kaso, 4 ang gikan sa Aklan, 2 sa Antique, 5 sa Capiz, 1 sa Guimaras, 26 sa Iloilo, 31 sa Negros Occidental, 132 sa Bacolod City kag 28 sa Iloilo City.
Naglab-ot naman sa 217 ang nagdugang sa listahan sang mga pasyente nga nag-ayo kun sa diin 3,251 na ang kabug-usan nga numero samtang apat naman ang nagdugang sa casualty nga sa subong, yara na sa 94 ang kabug-usan nga numero.
Sa pangkabug-usan, ang Aklan ang may 16 ka COVID-19 cases, Antique nga may 34, Capiz nga may 120, Guimaras nga may 52, Iloilo Province nga may 547, Negros Occidental nga may 870, Bacolod City nga may 1,824, Iloilo City nga may 1,270, ROFs, LSIs kag APORs nga may 1,649 kag 38 ang nalakip sa Tagged to other regions.
