GUIMARAS – Wala na sang kabuhi sang nasapwan sang mga residente ang ginabanta 5 ka bulan nga fetus nga ginbilin sa higad sang dalan sa Brgy. Ravina Sur, Sibunag, Guimaras.
Suno sa mga nakakita nga residente, may isa ka babayi kag lalaki nga naka-motor nga amo ang nagbilin sang fetus nga naputos sa lampin.
Bangud sini, ang mga residente na mismo ang nagmato-mato sa pagpalubong sa fetus nga ila ginsulod sa botelya.
Ang fetus ang ginlubong sa Brgy. Ayangan sa nasambit nga banwa.
