ILOILO CITY – Naglab-ot na sa 60 ka staff sang Western Visayas Medical Center ang nalatnan sang Coronavirus Disease 2019 (COVID-19).
Sa interview sang Bombo Radyo kay Richard Saltin, designated spokesperson kag Disaster Risk Reduction and Management in Health Manager sa nasambit nga hospital, iya ginpahayag nga apektado ang hospital operation bangud nga nabuhinan ang manpower samtang nagadamo naman ang pasyente nga gina-admit.
Suno kay Saltin, nagalab-ot sa 91 ang COVID-19 patients nga admitted sa nasambit nga hospital kag ginakulang na ang hospital beds.
Ang OB ward nga sadto anay gin-lockdown ang temporaryo nga pagagamiton bilang COVID-19 ward apang ginabanta nga mga apat pa ka adlaw antes ini magamit bangud nga nagapadayon ang disinfection.
Bangud sini, nagalaum ang natungdan nga mabuhinan ang backlogs ukon ang mga pasyente nga nagapabilin sa COVID-19 Emergency Room.
