BANATE, ILOILO – Tatlo ka mga venue ang pagahiwatan sang Dugong Bombo 2020 paagi sa partnership sang Bombo Radyo Philippines, Local Government Unit sang Banate, Iloilo kag sang Philippine Red Cross.
Sa interview sang Bombo Radyo kay Mayor Carlos Cabangal Jr., iya ginpahayag nga kun sadto, sa municipal gym sang Banate ginahiwat ang tagsa ka bloodletting activity apang bangud sa ginapatuman nga minimum health protocol, ang Dugong Bombo 2020 ang patigayunon sa gym sang Brgy. De La Paz, Brgy. Talokgangan kag Brgy. Poblacion.
Kadungan sini, nagalaum si Cabangal nga indi magnubo sa 700 ka successful blood donors ang makadonar sang ila hamili nga dugo.
Nagapang-agda gid ang alkalde sa tanan nga magdonar sang dugo agud nga masulosyunan ang problema sa kakulang sang dugo.
Ang Dugong Bombo 2020 ang patigayunon sa Martes, Setyembre 15.
