BANATE, ILOILO – Handa na ang Local Government Unit sang Banate, Iloilo sa patigayunon nga Dugong Bombo 2020 sa maabot nga Setyembre 15, Martes.
Sa interview sang Bombo Radyo kay Dr. Venus Banias, Municipal Health Officer sang Banate, Iloilo, iya ginpahayag nga ini na ang ika-28 nga bloodletting activity nga ginapatigayon kadungan sang kaadlawan sang alkalde sang banwa.
Suno kay Banias, tatlo ka venue ang pagahiwatan sang Dugong Bombo 2020 kag ini ang ginalakipan sang Brgy. Poblacion, Brgy. Talokgangan kag Brgy. De La Paz.
Ginpahayag ni Banias nga ginabanta indi magnubo sa 300 ka successful blood donor ang ginalauman nga makuhaan sang dugo.
Para sa mga interesado, kinahanglan nga naga-edad sang 18 anyos pataas, wala sang balati-an kag wala sang may ginatumar nga bulong, may bastante nga tulog kag wala naka-inom sang makahulubog nga ilimnon, isa ka adlaw antes ang bloodletting activity.
