Gindumdom sang mag-asawa nga sanday Jinkee kag Manny Pacquiao ang ila 21st wedding anniversary.
Ginbalikan ni Jinkee ang simple nga kasal nila sadto ni Senator Manny nga una nakilala bilang Pambansang Kamao.
Ginkasal ang duha sa isa ka civil ceremony sadtong 1999.
Base sa instagram post ni Jinkee iya ginpahayag nga sa sulod sang 21 ka tuig bilang mag-asawa, madamo sila sang ginpangatubang nga problema apang indi gid magguba ang ila relasyon.
Nagbutang man si Jinkee sang Bible verse tuhoy sa pag-isa sang Diyos sa mga mag-asawa kaangay nila ni Manny.
Nahibaluan nga sadto, indi boto si Mommy Dionisia kay Jinkee para sa iya anak sa diin naglab-ot pa sa punto nga wala ini nagtambong sa kasal sang duha.
