MANILA – Gin-aprobahan na sang Inter-Agency Task Force on Emerging Infectious Diseases ang staycations sa mga lugar nga yara sa General Community Quarantine.
Santo sa rekomendasyon sang Department of Tourism, ang indibidwal ang mahimo nga makatinir sa accredited accommodation enterprises nga sakop sang Rehiyon kun sa diin sila naga-istar.
Halimbawa, ang mga naga-istar sa National Capital Region ang mahimo nga makapatigayon sang staycation sa hotel nga napahamtang sa nasambit nga rehiyon santo sa requirements sang tagsa ka Local Government Unit.
Gin-athag sang ahensya nga limitahan lang ang numero sang guest nga mahimo makatinir sa gintalana nga minimum staycation length.
May kaangtanan diri, magapaguwa pa sang staycation guidelines ang Department of Tourism.
