CORSICA – Ginkustodiya sang otoridad sa Corsica ang Irish mixed martial arts star nga si Conor McGregor bangud sa ginapahayag attempted sexual assault kag indecent exposure.
Suno sa pahayag sang prosecutor’s office, ang reklamo ang ginpasaka sang Setyembre 10 kag bangud sini, si McGregor ang ipaidalom sa hearing sang gendarmerie services.
Magluwas diri, wala na sang may ginhatag nga detalye ang prosecutor’s office may kaangtanan sa ginapahayag offense nga nahimo sang 32 anyos nga Mixed Martial Artist.
Nahibalu-an nga si McGregor nga icon sang Ultimate Fighting Championship (UFC) kag ginbansagan nga ‘Notorious’, ang indi na bag-o sa kontrobersiya.
Sang 2019, nakuhaan sang video si McGregor bangud sa pag-atake sa isa ka tigulang nga lalaki sa Dublin bar kag sang 2018, gin-atake man niya ang bus nga ginasakyan sang UFC fighters sa New York.
Sang Hunyo subong lang nga tuig sang gin-anunsyo sang natungdan ang iya retirement sa ika-tatlo nga kahigayunan.
