MANILA – Nagapati si anay Department of Health Secretary Manuel Dayrit nga wala sang ikasarang ang gobyerno sa pagtapna sang COVID-19 cases rason nga padayon nga nagasaka ang numero sang infection.
Suno kay Dayrit, sa sulod sang anum ka bulan, madamo na nga quarantine protocol ang ginpatuman apang madamo sa gihapon ang na record nga COVID-19 cases sa tagsa ka adlaw.
Ginpahayag ni Dayrit nga kun himuon nga benchmarks ang mga pungsod kasubong sang Thailand kag Vietnam, maathag nga tuman ka layo ang abanse sang Pilipinas kun COVID-19 cases ang pagahambalan.
Ginpasalamatan sang National Action Plan against COVID-19 si Dayrit bangud sa ginhatag nga observation.
Apisar sini, ginpahayag ni National Action Plan Against COVID-19 deputy chief implementer secretary Vince Dizon nga indi lamang ang Pilipinas ang nabudlayan sa pagtapna sang COVID-19.
