ILOILO CITY – Indi pabor ang Pinagkaisang Samahan ng mga Tsuper at Operator Nationwide (PISTON) – Panay sa ginaduso sang Department of Transportation nga reduce physical distancing rules sa mga pampubliko nga salakyan epektibo Setyembre 14.
Sa interview sang Bombo Radyo kay PISTON-Panay President Edgar Salarda, iya ginpahayag nga apisar nga magadugang ang pasahero nga mahimo nga maakomodar sang tagsa ka depampasahero sang salakyan apang indi sila pabor sa nasambit nga lihok.
Sa pagpaathag ni Salarda, mahimo nga mangin prone sa COVID-19 ang mga pasahero lakip na ang mga driver kun mas maglapit ang physical distance.
Samtang, pabor naman ang driver nga si Jesus Basiya Jr. sa ginaduso nga 0.75 meter nga physical distancing measure.
Ginpahayag ni Basiya nga kun buhinan ang 1 isa ka metro nga physical distancing measure, mas madugangan ang numero sang pasahero nga makasakay sa jeep.
Subong nga may pandemya suno kay Basiya, tuman ka pigado ang kita nila nga mga driver.
