CALIFORNIA, USA – Halos indi maagwantahan ang baho sang aso nga tuga sang wildfire sa California sa Estados Unidos.
Suno kay Bombo International Correspondent Kitkat General kag naga trabaho bilang nurse sa California, iya ginpahayag nga santo sa ila pag check sa quality sang hangin, indi ini maayo sa diin mangin ang mask ang indi makabulig agud indi mahaklo ang aso.
Suno kay General, tuman nga apektado sang wildfire amo ang mga may asthma kag heart problems ilabi na ang mga kabataan kag senior citizens.
Sa subong suno kay General, naka work from home ang kalabanan sa ila sa California, apang indi man tuman ka hugot ang seguridad sa lugar indi kaangay sa Pilipinas nga madamo sang mga nagabantay nga otoridad.
Ginpahayag sang natungdan nga sa subong, padayon pa nga gina imbestigaran ang gintunaan sang wildfire.
Apang lakip sa mga rason nga ginatudlo sang wildfire amo ang kilat, sigarilyo, kag camp fire.
Nahibaluan nga nagdangat na sa 22 ang patay sa estado sang California bangud sa nasambit nga wildfire.
