Ginkwestyon ni Vice President Leni Robredo ang scientific basis sa nangin desisyon sang gobyerno nga pahanugutan ang amat-amat nga pag-buhin sang physical distancing sa pampubliko nga transportasyon sa pihak sang COVID-19 pandemic.
Bwas nga adlaw Setyembre 14 epektibo na nga mangin 0.75 metro ang distansya sang mga gikan sa isa ka metro.
Suno kay Robredo, may yara pa sang iban nga epektibo nga pamaagi kun ang punto sang gobyerno amo nga madugangan ang kita sang mga driver.
Dugang pa sang bise presidente, wala siya sang ihibalo kun ano ang gin-basehan sang Department of Transportation bangud wala man siya sang may nakita nga data nga nagahambal nga wala sang problema ang physical distancing kun ini ang magnubo sa isa ka metro.
Nahibaluan nga gin-aprubahan sang Inter-Agency Task Force (IATF) on Emerging Infectious Diseases ang ginaduso nga pagbuhin sang physical distancing sa pampubliko nga salakyan nagikan sa nangin rekomendasyon sangn World Health Organization nga isa ka metro tubtob sa 0.3 metro na lang sa katapusan sang Setyembre.
