Nadugangan sang 1,140 nga mga health workers sa Pilipinas ang nalatnan sang COVID-19 santu sa data sang Department of Health sa diin kabug-usan nga 8,494 na ang kaso.
Ang mga naka-recover ang naglab-ot na sa 7,710 matapos madugangan sang 1,094 nga mga health workers nga nag-ayo gikan sa balatian samtang 56 naman ang mga napatay.
Ang lima ka mga medical professions nga may mataas nga numero sang COVID-19 cases amo ang nurses nga may 2,935 infections, doctors nga may 1,613, nursing assistants nga may 656, medical technologists nga may 383 kag midwives nga may 192 cases.
Masobra 500 naman nga mga non-medical personnel kaangay sang utility workers, security guards kag administrative staff ang nalakip na sa tally.
