May mga pharmaceutical na nga nagahingyo sa Pilipinas nga magbayad sang advance para sa bakuna nga ginahimo pa lamang bilang bulong sa COVID-19.
Suno kay Presidente Rodrigo Duterte, ang malain sa Western countries amo nga mas gina-una pa ang ginansiya kag pagsukot sang bayad.
Dugang pa niya, indi insakto nga pabayadon na ang Pilipinas sang bakuna apisar nga indi pa man ini handa kag gina-develop pa lamang.
Ginpahayag man sang Presidente nga wala ginapahanugutan ang gobyerno sa idalom sang layi nga maghatag sang advance payments sa vaccine manufacturers.
