Hugot nga ginpanginwala ni Jimuel Pacquiao nga ginhatagan sang iya amay nga si Senator Manny Pacquiao sang P100,000 financial help ang ex-girlfriend niya nga si Heaven Peralejo.
Ini matapos nga nagguwa ang blind items tuhoy sa isa ka young actress nga nagapangayo sang bulig kag ini ang ginpangalanan sang veteran entertainment columnist nga si Lolit Solis nga ang ginatumod sa blind items amo si Heaven.
Suno kay Lolit, ang naghatag sang P100,000 nga ayuda kay Heaven amo ang asawa ni Manny nga si Jinkee.
Apang ini naman ang ginpanginwala sang young actress.
Magluwas sini, gindepensahan man ni Jimuel ang iya ex-girlfriend sa diin iya ginpahayag nga ang isyu nga ginpaguwa ni Lolit Solis ang wala sang kamatuoran kag wala man sila sang komunikasyon subong ni Heaven.
