Ginkumpirma sang Department of Health (DOH) nga may yara sang dugang nga 1,000 vials sang antiviral drug remdesivir nga mabaton ang Pilipinas para sa nagapadayon nga solidarity trials sang World Health Organization (WHO).
Suno kay DOH Undersecretary kag spokeswoman Maria Rosario Vergeire, ang dugang nga vials sang antiviral drug ang ika-tatlo na nga shipment halin sa WHO.
Sa solidarity trials sang World Health Organization, ang mga nagpakigbahin nga mga pungsod lakip na ang Pilipinas ang maga-kompara sang pagka-epektibo sang pila ka mga bulong nga gingamit sa COVID-19 treatment.
Pahayag niya, as of September 7, 1,009 “moderate to severe” COVID-19 patients ang nagpakigbahin sa trials kag ini ang nagikan sa 24 study sites ukon ospital sa National Capital Region, Cebu, Davao, Batangas kag Baguio.
Samtang may yara sang plano ang ahensya nga mag dugang sang bulong agud mahibaluan kun bala epektibo ini batuk sa COVID-19.
