Liwat nga nag upod ang mga veteran singers nga sanday Jim Paredes kag Boboy Garovillo sang APO Hiking Society para sa isa ka orihinal nga ambahanon tuhoy sa lockdown subong nga pandemya.
Ang tigulo sang ambahanon amo ang “Quarantine Baby” nga nagatumod sa nabatyagan sang tawo nga separado sa iya pinalangga sa kabuhi subong nga may COVID-19 pandemic.
Ini ang panibag-o nga collaboration nanday Jim kag Boboy nga amo ang mga myembro sang APO Hiking Society nga nagapabilin nga aktibo sa gihapon sa showbiz.
Mismo si Jim ang nagbalay sang ambahanon nga “Quarantine Baby”.
Nahibaluan nga ginkonsidera ang APO Hiking Society bilang OPM legends sa diin may yara ini sang masobra 22 ka mga albums antes ang ila pag retiro sang 2010.
