ILOILO CITY – Nagapati si Police Regional Office 6 Director Brigadier General Rene Pamuspusan sa ikasarang ni Police Col. Gilbert Gorero bilang Officer-in-Charge sang Iloilo Police Provincial Office.
Ini ang ginpahayag ni Pamuspusan kadungan sang Turn-Over of Command nga ginpatigayon sa Maringal Hall sa Kampo Delgado sa syudad sang Iloilo.
Magluwas kanday Pamuspusan kag Gorero, yara man si anay Iloilo Police Director Police Col. Paul Kenneth Lucas, Police Brigadier Gen. Patrick Villacorte nga amo ang Deputy Regional Director for Administration kag nagsaksi man sa seremonya ang mga station commander sa probinsya sang Iloilo paagi sa Zoom.
Sa virtual message ni Pamuspusan, iya gindayaw ang maayo nga career background ni Gorero.
Ginpasalamatan man ni Pamuspusan si Gorero bangud sa ginapakita nga effort bilang opisyal sang Philippine National Police.
Bangud sini, nagapati ang Regional Director nga mapabilin ni Gorero ang Discipline, Integrity kag Dignity sa Iloilo Police Provincial Office.
Nahibalu-an nga si Police Col. Lucas ang na-assign na bilang Chief Directorial Staff sa PNP-Finance Service sa Camp Crame bilang kabahin sang iya promotion.
