Nagapanindugan si Senator Risa Hontiveros sa iya pagpati nga ang personal protective equipment (PPE) nga ginbakal sang gobyerno sa Pilipinas para sa COVID-19 response sang mga tinalikdan nga binulan ang lunsay overpriced.
Ini matapos nga ginpahayag sang Procurement Service of the Department of Budget and Management nga naka-kinot pa ang Pilipinas sang P800 million bangud sa pagbakal sini direkta sa manufacturers kag distributors sang PPE.
Suno kay Hontiveros, base sa Quarter 2 report sang Department of Budget and Management nga naga-cover sang Abril kag Mayo, ang Department of Health (DOH) ang nag order sang dugang nga 5.1 million PPE sets nga nagabalor P10.2 billion.
Buot silingon pahayag niya, ang DBM kag DOH ang nakabakal sang PPE sets sa P2,000 kada isa. Samtang sang Mayo, nagpahayag man ang Malacañang sa Inter-Agency Task Force meeting nga ang gobyerno ang nakabakal sang PPE sets balor P1,100 ang isa.
Sa subong ginakwestyon sang senadora kun sa diin na nagkadto ang P900 kag kapin P4 billion nga balor sang PPE sets nga unaccounted.
