Respetuhon sang Malacañang ang mangin desisyon sang Kongreso may kaangtanan sa ginaduso nga pagpataas sang edad para sa satutory rape sa 16 anyos.
Suno kay Presidential Spokesman Atty. Harry Roque, kun sa panan-awan sang Kongreso nga ang insakto nga polisa amo ang pagpataas sa 16 anyos nga edad sang minority para sa statutory rape, ini ang ginatahod sang gobyerno.
Si Senator Juan Miguel Zubiri amo ang nagduso sa pagpataas sang edad nga sa subong, makabig nga statutory rape kun ang offended party ang naga edad 12 anyos panubo.
Ginsuportahan naman sang Commission on Population ang Development (POPCOM) ang inisyatibo ni Zubiri sa diin ila ginpahayag nga ang numero sang mga babaye nga naga edad 10 tubtob 14 anyos nga nagbusong sa Pilipinas ang nagataas.
