Himuon na lang nga bubble-type format ang duha ka mga FIBA Asia Cup qualifiers bangud sa COVID-19 pandemic.
Natalana ini nga patigayunon sa Nobyembre kag Pebrero 2021.
Nagapakig-angot naman ang FIBA sa mga host public health authorities agud nga mapatuman ang mga protocols kaangay sang pagpa-idalom sa PCR testing sang mga magapartisipar.
Tagsa ka bubble ang pagabug-usan sang apat kag walo ka mga team.
Yara sa Group A ang Pilipinas kun sa diin kaupod sini ang South Korea, Thailand kag Indonesia.
Ginasiguro man sang FIBA nga padayon nila nga bantayan ang COVID-19 situation kada adlaw.
Matandaan nga ginlutos sang Pilipinas ang Indonesia sa score nga 100-70 sa first window sang qualifiers sang Pebrero antes nga makansela ang mga hampang.
