Subong nga bulan sang Setyembre, masobra 500,000 nga mga high school graduates sa Sudan ang makuha sang university admission exams kag agud nga indi maka-cheat ang mga estudyante pinaagi sa mobile internet, ini ang i-shutdown nationwide sa sulod sang tatlo ka oras kada adlaw.
Sang Setyembre 16, alas-8 sang aga, ginkakibot sang mga tawo sa Sudan nga apisar nakabayad naman sila sa internet, ang ila nga mobile internet service ang wala naga gana.
Matapos makabaton sang linibo nga mga reklamo, gin-anunsyar sang internet operators nga nagmandu ang gobyerno sang mobile internet shutdown tubtob sa Setyembre 24 agud malikawan ang cheating sa eksaminasyon sa mga university applicants.
Ini ang nangin lihok sang Sudanese authorities agud nga indi na matabo pa ang large scale exam cheating tatlo ka tuig ang nakaligad sa diin ang exam question ang nag-leak online.
Kada adlaw, humalin alas 8 tubtob alas 11 sang aga, gina-shutdown ang mobile internet sa diin ginabanta 13 million data subscribers ang apektado.
