GERMANY – Ang hobby nga drumming ukon ang pagkahilig sa pagtukar sang drum ang may yara sang maayo nga epekto sa utok ilabi na kun coordination ang pagahambalan.
Natukiban sang mga eksperto sa Bergmannsheil University Clinic kag Biopsychology research unit sa Ruhr-University sa Bochum, Germany nga ang mga drummer ang makasarang sa pagperform sang complex fine motor tasks kun ipaanggid sa mga non-drummer.
Sa pagpaathag ni Sarah Friedrich, isa sa mga author sang pagtuon nga nabalhag sa journal nga Brain and Behavior, ang mga non-drummer ang indi maka-perform sang nanari-sari nga rhythmical tasks sang dungan.
Suno kay Friedrich, nagaguwa nga ang utok ang madasig nga naga-adapt samtang nagadugay ang pag-practice sa pagtukar sang bisan ano nga sahi sang musical instrument.
Ang effecient nga anterior corpus callosum sa utok suno kay Friedrich ang nagakahulugan sang maayo nga performance ilabi na sa mga drummer.
Sa pihak sini, sa tion sang motor tasks, ang utok sang mga drummer ang less active kag ini ang ginatawag nga sparse sampling.
