MANILA – Nagakahangawa si Senator Win Gatchalian may kaangtanan sa depleted output gikan sa Malampaya natural gas field, ang ika duha sa pinaka daku nga electric power source sa Luzon.
Suno kay Gatchalian nga chairman sang Senate Committee on Energy, ang absence sang replacement fuel para sa Malampaya natural gas ang makabig nga pamahog sa energy security kag mahimo nga magresulta sa rotational brownouts.
Ang Malampaya amo ang naga-supply sang fuel para sa Luzon electricity grid sa sulod na sang duha ka dekada kag nagaserbisyo sa 21 percent sang national electricity demand kag ginalauman nga maubos sa 2024.
Bangud sini, ginduso ni Gatchalian ang Senate Bill No. 1819 nga magahatag sang national energy policy and framework para sa development kag regulation sang Philippine midstream natural gas industry.
Sa pagpaathag sang senador, kinahanglan ang complementary law agud mapasangkad ang midstream natural gas industry lakip na ang transportation, transmission, storage kag marketing sang natural gas gikan sa liquefied natural gas ukon LNG.
Ang proposed legal framework para sa midstream natural gas industry ang makagarantiya sang consumer protection paagi sa transparent kag competitive pricing of services.
