TURKEY – Nagsaka na sa masobra sa 300,000 ang total number sang Coronavirus cases sa Turkey.
Ini matapos nga gin-anunsyo sang health ministry nga nabudlayan ang otoridad sa pagtapna sang liwat nga pagtuhaw sang outbreak.
Suno sa health ministry, 1,538 ang new cases sa sulod sang 24 ka oras kun sa diin yara na sa subong sa 301,348 ang kabug-usan nga kaso samtang nadugangan naman sang 68 ang death toll nga naglab-ot na sa 7,445.
Nauna na nga ginpahayag ni President Tayyip Erdogan nga kinahanglan nga pangitaan sang paagi sang gobyerno agud nga matapna ang pagtaas sang COVID-19 cases.
Ang liwat nga pagtuhaw sang outbreak ang nangin rason kun nga-a nagprotesta ang mga doktor sa Turkey.
