JORDAN, GUIMARAS – Magalawig tubtub sa Oktubre 2 ang lockdown sa Sitio Sambag sa Brgy. Hoskyn, Jordan, Guimaras.
Ini matapos nga ginkumpirma sa Bombo Radyo ni Punong Barangay Kaizer “Boyet” Monreal nga may apat ka residente gikan sa nasambit nga sitio nga nagpsositibo sa COVID-19 paagi sa RT-PCR test.
Suno kay Monreal, 14 ang nalakip sa contat tracing kun sa diin may pito nga nagpositibo sa Rapid test kag ginahulat na lang ang resulta sang contest.
Ginpahayag ni Monreal nga indi pa matumod sa subong kun paano nalatnan sang COVID-19 ang apat ka residente nga wala man sang travel history sa iban nga lugar.
Ang apat ka mga pasyente ang yara na sa subong sa quarantine facility kag gin-athag sang Punong Barangay nga ang Sitio Sambag lamang ang ginpaidalom sa lockdown.
