HONG KONG – Palaligban para sa pamilya kun paano na-comatose ang ila himata nga Ilongga Domestic Helper nga nagatrabaho sa Hong Kong.
Suno kay Bombo International Correspondent Merly Bunda, nagapakig-angot na ang pamilya sa concerned agencies may kaangtanan sa natabo sa 29 anyos nga biktima nga tumandok sang Brgy. Calicuang, Dingle, Iloilo.
Ginpahayag ni Bunda nga nasapwan na lang sang isa ka security guard nga nagalutaw sa swimming pool ang nasambit nga biktima.
Ginadudahan nga nakadanlog ang biktima kag nakabunggo ang ulo sini rason nga nadulaan sang pangalibutan kag nahulog sa swimming pool sa building nga ila ginatiniran.
Santo naman sa medical examination, natukiban nga wala sang fracture ang biktima nga mahimo magresulta sa comatose.
Santo sa pamilya, ang employer mismo ang nagpahibalo tuhoy sa natabo sa biktima.
Kapin sa lima na ka tuig nga nagatrabaho bilang domestic helper sa Hong Kong ang 29 anyos nga Ilongga apang manug isa pa lang ka tuig nga nagatrabaho sa iya current employer.
Sa subong, naghingyo ang pamilya nga indi anay pag-ihingadlan ang identity sang biktima.
