BUENAVISTA, GUIMARAS – Duha ka dugang nga mga barangay sa Buenavista, Guimaras ang gindeklarar nga drug cleared sang Philippine Drug Enforcement Agency.
Sa interview sang Bombo Radyo kay Mayor Eugene Reyes, iya ginpahayag nga ang deliberasyon sang Regional Oversight Committee ang ginpatigayon kaina sang aga kun sa diin lakip sa mga gindeklarar bilang drug cleared barangay amo ang Supang kag Getulio.
Sa pagkamatuod suno kay Reyes, 3 ang iya nga ginrekomendar apang wala na nakahingagaw pa ang Brgy. Rizal.
Sa subong, 31 na sa 36 ka mga barangay sa banwa sang Buenavista ang gindeklarar nga drug cleared.
