ILOILO CITY – May yara sang mga barangay tanod kag pila ka mga barangay official nga nagabantay sa palibot sang Brgy. Aguinaldo, La Paz, Iloilo City.
Ini matapos nga nalakip ang Aguinaldo sa 13 ka mga barangay nga ginpaidalom sa lima ka adlaw nga total lockdown epektibo 6:00 sang kasisidmon, Setyembre 22, bangud sa na record nga COVID-19 cases.
Sa interview sang Bombo Radyo kay Punong Barangay Oscar Guarin, iya ginpahayag nga 13 na ang total COVID-19 cases sa ila lugar kun sa diin tatlo ang nagdugang sa listahan.
Suno kay Guarin, ang isa sa tatlo ka active cases amo ang barangay kagawad nga identified close contact ni Punong Baragay Efren Gimeo sang Jalandoni Estate sa distrito sang Lapuz.
Ginpahayag ni Guarin nga iya ginkakibot nga total lockdown ang ipatuman rason nga ang iban sa ila ang naghingagaw sa pagpamakal sang kinahanglanon.
Sa pagkamatuod suno kay Guarin, sang Setyembre 15 lang niya nabaton ang negatibo nga resulta sang COVID-19 test bilang pagsunod sa mandu ni Iloilo City Mayor Jerry Treñas apang kinahanglan naman niya nga magpakuha sang swab sample bangud nga nagpositibo sa virus ang duha niya ka mga barangay kagawad.
Nahibalu-an nga magluwas sa Aguinaldo, La Paz, kabahin man sa ginpaidalom sa total lockdown amo ang mga masunod:
Sa Jaro:
Simon Ledesma
San Isidro
MH del Pilar
Sa City proper:
Ortiz
Concepcion
Sa Arevalo
So-oc
Sa Mandurriao:
Bolilao
Sa Molo:
Calumpang
Sa Lapuz:
Mansaya
Bo. Obrero
Punong
Lapuz Sur
