Gin-ako sang pila ka mga eksperto sa Pilipinas nga mangin sila ang nakibot sa ginpahayag ni Presidente Rodrigo Duterte sa United Nations General Assembly tuhoy sa issue sa West Philippine Sea nga gina-angkon sang China.
Suno kay Prof. Rommel Banloi, isa ka political scientist kag security expert, mabug-at nga isyu ang ginbuy-an sang Presidente sa 75th UN General Assembly sa diin isa na diri ang isyu sa South China Sea.
Gintawag ini sang professor nga isa ka dako nga “pushback” batuk sa China agud nga pasangkaron pa ang isyu kag makapangita sang madamo pa nga international support.
Ginpataas man sang Presidente ang “political leverage” tuhoy sa nasambit nga kontrobersiya.
Pahayag naman sang maritime expert nga si Atty. Jay Batongbacal, associate professor sa University of the Philippines, nalipay siya sa ginhimo ni Duterte kag kuntani mangin “consistent” agud depensahan ang soberenya sang Pilipinas.
Ginalantaw naman ni anay Department of Foreign Affairs Sec. Albert del Rosario nga positibo ini nga development ilabi na nga ginhimo sang Presidentne ang labing una nga statement para sa The Hague ruling sa UN General Assemby.
Nadula naman pahayag ni Sen. Panfilo Lacson ang pagpangduha-duha nga ipakigbato ni Presidente Duterte ang kinamatarong sang Pilipinas sa West Philippine Sea.
