Iloilo City Mayor Jerry Treñas, ginpasalamatan ang Chairman sang Florete Group of Companies nga si Dr. Rogelio Florete sa pagdonar sang 200 ka sako sang bugas sa syudad sang Iloilo para sa mga apektado sang COVID-19 pandemic

ILOILO CITY – Ginpangunahan sang Florete Group of Companies ang paghatag sang bulig para sa mga residente nga apektado sang lockdown sa syudad sang Iloilo.

Naglab-ot sa 200 sacks sang commercial rice nga nagabug-at sang 50 kgs. kada sako ang gindonar sang Florete Group of Companies sa pagpamuno sang Chairman nga si Dr. Rogelio Florete.

Nagpalab-ot naman sang 100 ka sako sang bugas ang negosyante nga si Henry Chusuey.

Magluwas diri, may iban pa nga mga negosyante kag private individual nga nagpalab-ot sang bulig kasubong sang sardinas, noodles kag iban pa nga basic commodities para sa mga apektado sang lockdown.

Luyag ipalab-ot sang Florete Group of Companies kag sang iban pa nga may bulawanon nga tagipusuon nga ang tanan nga problema kag pagpanghangkat sa kabuhi ang malampuwasan paagi sa pagbinuligay.