ILOILO CITY – Lima ka mga barangay sa syudad sang Iloilo ang gin-ipaidalom sa total lockdown epektibo subong nga adlaw, Setyembre 25.
Sa interview sang Bombo Radyo kay Iloilo City Mayor Jerry Treñas, iya ginpahayag nga lakip sa mga ginpaidalom sa total lockdown amo ang MV Hechanova, Sambag, Lopez Jaena kag Lanit sa Jaro kag Caingin sa La Paz.
Ini bangud nga suno sa alkalde, na record ang indi magnubo sa tatlo ka mga COVID-19 cases sa nasambit nga mga lugar.
Ginpahayag ni Treñas nga ginaduso naman ang lockdown extension sa Bolilao sa Mandurriao kag may kaangtanan diri, padayon ang relief operation para sa mga apektado nga residente.
May kaangtanan naman sa COVID-19 cases sa Iloilo City Hall, ginpahayag sang alkalde nga na record ang dugang nga 17 ka mga kaso.
Nahibalu-an nga lakip sa mga barangay nga nauna nga ginpaidalom sa total lockdown amo ang mga masunod:
Sa Jaro:
Simon Ledesma
San Isidro
MH del Pilar
Sa City proper:
Ortiz
Concepcion
Sa Arevalo
So-oc
Sa Mandurriao:
Bolilao
Sa Molo:
Calumpang
Sa Lapuz:
Mansaya
Bo. Obrero
Punong
Lapuz Sur
Jalandoni Estate
Sa La Paz:
Aguinaldo
